Æsustaðafjall og Reykjafell

Þessi leið er tilvalin fyrir byrjendur í fjallgöngum. Það er mjög fallegt útsýni á góðum degi og í júní og júlí er mikið um lúpínur á svæðinu.
Leiðin á kortinu er 5,6 km en einnig er hægt að ganga bara á Æsustaðafjall (220 m) og snúa þar við sem er þá um 2 km.

• Sveitarfélag: Mosfellsbær.
• Tegund: Göngu- og hlaupaleið.
• Erfiðleikastig: 1-2 skór.
• Lengd leiðar: 5,6 km.
• Áætlaður göngutími: 60-90 mín.
• Hækkun: Samtals um 230 m.
• Upphaf leiðarinnar er merkt með stiku.
• Tegund leiðar: Hringleið.
• Aðkoma og bílastæði: Ekið er frá Mosfellsbæ upp í Mosfellsdal um Þingvallaveg (35), eftir tæpa 2 km er beygt til hægri inn á afleggjarann að Hlaðgerðarkoti og fljótlega beygt aftur til hægri inn í Skammadal. Við kartöflugarðana er lítið bílastæði.
• Almenningssamgöngur: Strætó stoppar við stoppustöðina Mosfell sem er í 10-15 mín göngufjarlægð frá upphafi leiðarinnar.